Speed up by Carry Speed

Carry Speed Camera Strap review 相機帶用家心得

話說最近想買多條相機帶，呢排好多人講Peak Design嘅相機帶，無錯佢嘅產品的確係幾多元化同埋配件都好有系統地貫穿不同類型嘅產品，就好似快拆板可以分別安裝於camera strap同camera clip(快夾系統，可以夾喺背囊或斜孭袋)，又或者使用於手腕帶。

有關peak design嘅產品可以去官網睇下
Peak Design Official Page

不過作為DSLR嘅高用量用家，除左留意產品嘅功能同配件之外，耐用度及舒適度都係好重要嘅考慮因素。最後，我決定繼續選用carry speed而不將peak design列入個人考慮之列，完全係使用習慣問題，並不是peak design的產品有嚴重問題。

Carry Speed相機帶有幾款背帶可以選擇，由於有使用長鏡頭的需要，當初買入最闊嘅版本，大約9cm闊，背帶以外的部份都大同小異

圖中嘅配件可以連接鏡頭的腳架環，提供多一個受力點，平衡感更佳，不過勾上了之後就不方便換鏡頭，如果長時間使用同一枚長鏡頭的話，真的不錯。亦可扣上另一組配件，變成手腕帶

底板兼容一般腳架的快拆版，使用腳架時都能順利安裝。亦有位置可以穿上腕帶(另購)
最多人疚病就係Carry Speed嘅呢粒波波，話佢蝕左之後，相機會跌出黎，我只可以話每一樣野都有佢嘅使用壽命，有時overload又會加快了結佢嘅生命。其實佢嘅設計都非常貼心，好多sling strap嘅底扣都會容易與相機碰撞，而呢粒波波係唔會嘅，因為佢固定左可以搖擺嘅角度。
波波下面有個黑色膠扣，可以夾住相機帶，限制相機能夠滑動嘅位置。

呢個金屬扣同黑色D扣係可以快速調整相機帶嘅長度，配合剛才嘅黑色膠扣，都係可以限制相機滑動嘅位置

不得不提呢個三點式設計，令相機帶扣得更堅固，基本上要兩隻手先可以做到同時按壓三點而解除相機帶，令意外解體嘅機會大減。其實平時就應該比較少機會要解開佢嘅…

以上內容只係一個普通用家分享，與任何品牌無關